Search Results

सर्वसाधरणपणे सामान्य माणूस हा आपल्या डोळ्यांना दिसतं त्यावर जास्त विश्वास ठेवतो.आपल्याला जे दिसतं आहे, त्यापलीकडे जाऊन जग कसं आहे हे फार कमी लोक बघतात.वीरेन पवार यांनी जगातील १९ देशांची भ्रमंती करून आपल्या पुस्तकातून तेच वेगळेपण मांडले आहे. यामुळे दिसण्या पलिकडे सुद्धा संस्कृती, इतिहास आहे हा विचार आपल्या मनात या पुस्तकामुळे येईल असे मत पुण्याचे माजी महापौर मुरलीधर मोहोळ यांनी व्यक्त केले. उन्मेष प्रकाशन च्या वतीने प्रकाशित लेखक वीरेन पवार यांच्या "१९ देश ४६० दिवस" पुस्तकाचा प्रकाशन समारंभ कमिन्स सभागृह, पत्रकार भवन येथे त्यांच्या हस्ते पार पडला यावेळी मोहोळ बोलत होते.याप्रसंगी प्रमुख पाहुणे प्रसिद्ध क्रीडा वैद्यक तज्ज्ञ डॉ हिमांशू वझे, लेखक वीरेन पवार, विशाखा सप्रे, उन्मेष प्रकाशनच्या मेधा राजहंस आदि मान्यवर उपस्थित होते. पुढे बोलताना मुरलीधर मोहोळ म्हणाले, '१९ देश ४६० दिवस' या पुस्तकात पवार यांनी टिपिकल शहरे, पर्यटस्थळांना भेटी न देता वेगळ्या मार्गाने जाऊन देश समजून घेत प्रत्येक देशातील समाजमनाचे प्रतिबिंब आपल्या लेखनातून उतरविले आहे. डॉ. हिमांशू वझे म्हणाले की, ज्ञाता मधून अज्ञाता मध्ये प्रवास म्हणजे नेमके काय असेल याचा उलगडा विरेनं पवार यांच्या या पुस्तकांतून होतो असे म्हटले तर वावगे ठरणार नाही. सोलो प्रवासासाठी साहस, संयम आणि जे येईल ते स्वीकारण्याची क्षमता लागते, आपल्यापेक्षा वेगळ्या व्यक्तींशी जुळवून घेण्याची मानसिकता लागते, पवार यांनी ती दाखवल्यामुळे त्यांचा प्रवास आणि हे पुस्तक घडू शकले आहे. सुप्रसिध्द निवेदक मिलिंद कुलकर्णी यांनी घेतलेल्या प्रकट मुलाखतीत बोलताना वीरेन पवार यांनी सांगितले की, घरच्यांनी लहानपापासूनच दिलेल्या शिकवणी मुळेच हा प्रवास शक्य झाला. लहानपणी आम्ही गावी जायचो त्यातून प्रवासाची आवड निर्माण झाली, प्रताप गडाच्या पायथ्याशी असलेल्या गावातून आम्ही अनेकदा गडावर गेलो, त्यात मजा यायची पुढे आर्किटेक्चर चे शिक्षण घेत असताना स्टडी टूरच्या निमित्ताने फिरणे व्हायला लागले आणि त्यातून समजले की आपल्याला हे आवडत आहे, यामुळे संधी मिळाली तर एकट्याने प्रवास करावा असा विचार मनात आला, तो ९ वर्षे नोकरी केल्यानंतर पूर्णत्वास नेता आला. हा प्रवास सुरू करण्यापूर्वी जी काही तयारी केली तो फक्त एक टप्पा होता, खरा प्रवास सुरू झाल्यावर समजले की कोणत्याही परस्थितीला सामोरे जाण्याची तयारी असणे हेच सर्वात महत्वाचं आहे. यावेळी प्रकाशक मेधा राजहंस, विशाखा सप्रे यांनीही मनोगत व्यक्त केले.

क्रीडा व युवक सेवा संचालनालय महाराष्ट्र राज्याचे जिल्हा क्रीडा अधिकारी कार्यालय पुणे व पुना कॉलेज ऑफ आर्ट्स सायन्स अँड कॉमर्स , यांच्या संयुक्त विद्यमाने त्यामधील पुना कॉलेज येथे राष्ट्रीय क्रीडा दिवस मोठ्या उत्साहात साजरा करण्यात आला.हॉकीचे जादूगार मेजर ध्यानचंद यांच्या जन्मदिनानिमित्त दरवर्षी 29 ऑगस्ट रोजी राष्ट्रीय क्रीडा दिन साजरा करण्यात येतो. विश्वविद्यालय अनुदान आयोग शिक्षा मंत्रालय भारत सरकार यांच्या आदेशानुसार राष्ट्रीय क्रीडा दिनानिमित्त 21 ते 29 ऑगस्ट या कालावधीमध्ये विविध प्रकारचे उपक्रम घेण्याबाबत सुचित करण्यात आले होते त्यानुसार राष्ट्रीय क्रीडा दिनानिमित्त पुना कॉलेज मध्ये विविध उपक्रम व क्रीडा स्पर्धाचे आयोजन करण्यात आले होते. विद्यार्थ्यांनी मोठ्या प्रमाणात सहभाग नोंदवला. राष्ट्रीय क्रीडा दिनानिमित्त महाविद्यालयात विविध स्पर्धा व कार्यक्रमाचे आयोजन करण्यात आले कॅरम, बास्केटबॉल ,बुद्धिबळ, आर्मरेसलिंग, टेबल टेनिस, हॉलीबॉल ,बॅडमिंटन तसेच महिला महिलांसाठी मनोरंजनात्मक खेळाचे आयोजन करण्यात आले होते या खेळामध्ये खेळाडू ,महिला ,पुरुष ,विद्यार्थी व शिक्षक व शिक्षकेतर कर्मचारी यांनी उत्स्फूर्त सहभाग घेतला होता. क्रीडा दिनानिमित्त सर्व खेळाडूं, शिक्षकांना आणि सहभागी स्पर्धकांनी फिट इंडियाची प्रतिज्ञा घेतली . या कार्यक्रमाच्या बक्षीस वितरण प्रसंगी महाविद्यालयाचे प्राचार्य डॉ. आफताब अन्वर शेख, उपप्राचार्य डॉ.इकबाल शेख, कनिष्ठ महाविद्यालयाचे उपप्राचार्य इम्तियाज आगा, सुपरवायझर नसीम खान ,जिमखाना विभागाचे व्हाईस चेअरमन मुशरब हुसेन ,क्रीडा विभागाचे प्रमुख डॉ अय्याज शेख ,एन. एस. एस. कार्यक्रम आधिकारी शेख आशद, क्रीडा शिक्षक इम्रान पठाण डॉ.गुलाब पठाण , जुबेर पटेल ,डॉ .सलीम मणियार , डॉ .फाजील शेख, इमरान मिर्झा , डॉ.शाकीर शेख डॉ बाबा शेख, फारुख शेख मोसिन शेख हुस्नुद्दीन शेख ,उपस्थित होते. राष्ट्रीय क्रीडा दिनानिमित्त क्रीडा क्षेत्रात उल्लेखनी काम करणाऱ्या खेळाडूंचा सत्कार करण्यात आला . खेलो इंडिया विद्यापीठ स्तरावरील वेटलिफ्टिंग स्पर्धेत पुणे विद्यापीठाला रौप्य पदक मिळवून देणाऱ्या धैर्यशील साळुंखे व एशियन आर्चरी कप मध्ये भारताचे नाव आंतरराष्ट्रीय स्तरावर नेणाऱ्या पुना कॉलेजचा खेळाडू प्रथमेश फुगे याचा सत्कार करण्यात आला. राष्ट्रीय सेवा योजना (स्तर+2) च्या विद्यार्थ्यांनी,शिक्षक व शिक्षकेतर कर्मचाऱ्यांनी व या कार्यक्रमाला यशस्वी करण्यात मोलाचा हातभार लावला.

शुक्रवार, दि.२८/०७/२०२३ या दिवशी विश्वकल्याण इंग्लिश मीडियम स्कूल आणि जुनियर कॉलेज,चिखली या शाळेत Investiture ceremony (अधिकृत पद,अधिकार समारंभ) सोहळा संपन्न झाला. या सोहळ्यासाठी पिंपरी चिंचवड विभागाचे वरिष्ठ पोलिस निरीक्षक प्रमुख पाहुणे म्हणून डॉ. अमरनाथ वाघमोडे सर आणि माने सर तसेच शाळेच्या मुख्याध्यापिका डॉ. दिपाली शिरगावे मॅडम, प्रशासक दीपक आफले, शाळेचे संस्थापक जितेंद्र मेहता सर आणि नीलम मेहता मॅडम कार्यक्रमाला उपस्थित होते. यावेळी प्रमुख पाहुणे आणि शाळेच्या मुख्याध्यापिकांच्या हस्ते दीप प्रज्वलन करून कार्यक्रमाची सुरुवात झाली. या सोहळ्यामध्ये मुलांमध्ये इयत्ता १० वी.चा कुमार प्रिन्स चौधरी आणि मुलींमध्ये १० ची कुमारी सिद्धी शिंदे या दोघांची विद्यार्थी प्रतिनिधी म्हणून निवड करण्यात आली.इयत्ता ९वी चा कुमार ओंकार इंगोले व कुमारी साक्षी सैनी यांची खेळाचे प्रतिनिधी म्हणून निवड करण्यात आली. सांस्कृतिक प्रतिनिधी म्हणून इयत्ता १०वी चा कुमार रोहित राठोड आणि इयत्ता ९वी ची कुमारी अंशूला विभूते यांची निवड करण्यात आली.या सोहळ्यात हाऊस प्रतिनिधी यांची देखील निवड करण्यात आली. मुलांच्या नेमणुकीसाठी शाळेचे क्रीडा शिक्षक जगदीश चव्हाण सर यांनी विद्यार्थ्यांना योग्य असे मार्गदर्शन केले व प्रोत्साहन दिले. तसेच शाळेच्या पर्यवेक्षक शिल्पा शिंदे मॅडम यांचे देखील मोलाचे मार्गदर्शन लाभले. निवड झालेल्या विद्यार्थ्यांचे मुख्याध्यापिका डॉ.दिपाली शिरगावे मॅडम यांनी त्यांचे अभिनंदन केले आणि त्यांना त्यांच्या अधिकारांची जाणीव करून देऊन शपथविधीचा कार्यक्रम संपन्न केला.यावेळी मुख्याध्यापिकांचे मोलाचे मार्गदर्शन विद्यार्थ्यांना लाभले. कार्यक्रमाला उपस्थित प्रमुख पाहुणे डॉ. अमरनाथ वाघमोडे सर यांनी विद्यार्थ्यांना उत्स्फूर्त असे प्रोत्साहन देऊन सुंदर असे मार्गदर्शन केले.त्याचबरोबर त्यांनी वाहतुकीचे नियम आणि त्यांची अंमलबजावणी का करणे आवश्यक आहे हे देखील समजावून सांगितले. कार्यक्रमाची सांगता आभार प्रदर्शनाने झाली.

आपल्या मुलांना सर्वात सुंदर आणि प्रसिद्ध अश्या पालखी सोहळा मिरवणूक , संत भाषा साहित्यातील अभंग, भजन, कीर्तन,भारुड असे विविध प्रकार समजण्यासाठी विद्यार्थ्यांसाठी त्यांच्या वयोमानानुसार स्पर्धा घेण्यात आल्या आणि त्याद्वारे त्यांनी आनंद घेतला व संत साहित्य शिकले. विद्यार्थी विद्यार्थिनी भगवान विठ्ठल रुक्मिणी, विविध संत, वारकऱ्यांच्या वेषात आले होते. गावातून पालखी मिरवणुकीचा आनंद लुटला, विठ्ठल रुक्मिणी मंदिराचे दर्शन घेतले, फुगडी, रिंगण, लेझीम असे खेळ खेळले. संपूर्ण शाळेचे वातावरण विठ्ठल रुक्मिणी, ज्ञानेश्वर माऊलीच्या जय घोषाने पवित्र,.खूपच सुंदर, भक्तीमय व उत्साहाने भरलेले होते. आपली संस्कृती समजून घेवून व पुढे नेण्याचा उत्तम प्रयत्न मुलांनी शिकण्यासाठीचा हा अनुभव शाळेत विद्यार्थ्यांना देण्यात येतो असे प्राचार्या सौ रेणू पाटील यांनी सांगितले. माननीय शालेय व्यवस्थापन सदस्य श्री कृष्णा भिलारे (संस्थापक, अध्यक्ष), सौ. संगीता भिलारे (सचिव), श्री. कुणाल भिलारे (संचालक), सौ यशस्विनी भिलारे यांनी विद्यार्थ्यांनी सादर केलेल्या अभंग, भजन, कीर्तन,भारुड व लेझिम नृत्याचे कौतुक केले.

हेरिटेज इंटरनॅशनल स्कूलमध्ये ९ वा आंतरराष्ट्रीय योग दिन शाळा व्यवस्थापन, मुख्याध्यापक, शिक्षक आणि प्रशिक्षक यांच्या उपस्थितीत उत्साहात साजरा करण्यात आला. G20 शिखर परिषद आणि योग दिनानिमित्त, विद्यार्थ्यांनी योगाचे महत्त्व आणि भारताने जगाला दिलेली योग विद्या सांगितली. विद्यार्थ्यांनी योगाच्या संदर्भात कॅनडा आणि भारताचा तुलनात्मक अभ्यास सादर केला. तालबद्ध योगासने, पारंपारिक योगासने, सूर्यनमस्कार, पिरॅमिडसह विविध योगासनांचे सादरीकरण विद्यार्थ्यांनी केले. योगगीत गायले गेले आणि विद्यार्थ्यांनी निरोगी जीवनासाठी त्यांच्या दैनंदिन जीवनात योग चालू ठेवण्याची शपथ घेतली. माननीय शालेय व्यवस्थापन सदस्य श्री कृष्णा भिलारे (संस्थापक, अध्यक्ष), सौ. संगीता भिलारे (सचिव), श्री. कुणाल भिलारे (संचालक), सौ यशस्विनी भिलारे, कु. समिधा भिलारे, मुख्याध्यापिका सौ. रेणू पाटील यांनी विद्यार्थ्यांनी दाखवलेल्या प्रात्यक्षिक सादरीकरणाचे कौतुक केले.

राष्ट्रीय शिक्षा धोरण देशभरात वाचन संस्कृती निर्माण करण्यासाठी मुलांसाठी दर्जेदार साहित्य उपलब्ध करून देण्याची शिफारस करते व सीबीएसईच्या परिपत्रकानुसार हेरिटेजने हे उद्दिष्ट साध्य करण्यासाठी आणि वाचनाचा आनंद वाढवण्यासाठी 19 जून 2023 पासून शाळेत वाचन मोहीम सुरू केली आहे ,असे शाळेच्या प्राचार्या सौ.रेणू पाटील यांनी सांगितले. ग्रंथालय चळवळीचे जनक दिवंगत पु.ना. पणिकर यांच्या स्मरणार्थ 19 जून हा वाचन दिवस आणि त्यानंतरचा आठवडा वाचन सप्ताह म्हणून साजरा केला जातो. 19 जून 1996 रोजी वाचन दिन म्हणून सुरू झालेला हा दिवस वाचन संस्कृतीला चालना देण्यासाठी आणि 'वाचा आणि प्रगती करा' असा संदेश देण्यासाठी एक जनचळवळ बनला आहे. या वाचन अभियानांतर्गत, शाळेमध्ये विद्यार्थ्यांना विविध प्रकारच्या कथा वाचण्यात गुंतवून ठेवण्यासाठी आणि प्रभावीपणे लिहायला शिकण्यासाठी, सर्व वयोगटातील विद्यार्थ्यांना वाचनाचा आकर्षक आणि फायद्याचा अनुभव देण्यासाठी एक व्यासपीठ उपलब्ध करून देण्यासाठी नवोदित लेखक कार्यक्रम सुरू आहे. शिकणाऱ्यांना वाचनाच्या कार्यात सक्रियपणे सहभागी होण्यासाठी, शीर्ष वाचकांना प्रवृत्त करण्यासाठी, हा उपक्रम उच्च कौशल्ये विकसित करण्याच्या NEPs च्या उद्दिष्टांशी संरेखित असेल .सर्जनशीलता, गंभीर विचार, समस्या सोडवणे, व्हिज्युअलायझेशन आणि कल्पना निर्मिती, एक सुव्यवस्थित, स्तरीकृत प्रदान करून आणि अनुकूल, वन-स्टॉप प्लॅटफॉर्म असेल. शाळा व्यवस्थापन सदस्य श्री. कृष्णा भिलारे (संस्थापक, अध्यक्ष), सौ. संगीता भिलारे (सचिव),श्री कुणाल भिलारे (संचालक) सौ यशस्विनी भिलारे (प्रशासकीय व्यवस्थापिका) यांनी सामूहिक वाचन अभियानासाठी घेतलेल्या उपक्रमाबद्दल शिक्षकांचे आणि विद्यार्थ्यांचे कौतुक केले.

भारतरत्न डॉ.बाबासाहेब आंबेडकर यांच्या 132 व्या जयंती निमित्त पूना कॉलेज विद्यार्थी विकास मंडळ, राष्ट्रीय छात्र सेना, राष्ट्रीय सेवा योजना+2,आयक्यूएसी यांच्या वतीने मानवंदना सभेचे आयोजन पूना कॉलेजचे प्राचार्य प्रो. डॉ.आफताब अन्वर शेख यांच्या मार्गदर्शनाखाली करण्यात आले होते. एन.एस.एस.कार्यक्रम अधिकारी प्रा. असद शेख, प्रा. वसुधा वहवाल, विद्यार्थी विकास अधिकारी डॉ. बाबा शेख, एनसीसी अधिकारी सब लेफ्टनंट डॉ. मोहम्मद शाकीर शेख, सलमान सय्यद, राष्ट्रीय सेवा योजना +2 स्वयंसेवक, यांनी भारतरत्न डॉ. बी.. आर. आंबेडकरांना मानवंदना देण्यात आली. डॉ.बाबासाहेबांच्या पुतळ्याला पुष्पहार अर्पण करताना प्राचार्य डॉ.आफताब अन्वर शेख यांनी विद्यार्थ्यांना डॉ.आंबेडकरांचे विचार आत्मसात करुन स्वत्रंता समता व बंधुता यांचा अंगीकार करन्याचे आवाहन केले. हॉटेल अरोरा टॉवरजवळ या कार्यक्रमाचे संचालन डॉ.बाबा शेख यांनी केले तर आभार प्रा. असद शेख यांनी केले. कार्यक्रमाच्या यशस्वीतेसाठी एनएसएस स्वयंसेवक आणि एनसीसी कॅडेट्स यांनी परिश्रम घेतले.

नाईकनवरे डेव्हलपर्सच्या वतीने स्ट्रक्चर्ड प्लॉट'अवासा लाँच; अवासा प्लॉटिंगसाठी केले ई-कॉमर्स प्लॅटफॉर्म सुरू. नाईकनवरे यांच्या तळेगाव मधील पहिल्या प्रीमियम प्लॉटेड असलेला आवासा मेडोज या प्रकल्पातील ६२सर्व्हिस केलेले N A प्लॉट उपलब्ध पुणे…मार्च३०, २०२३…पुणे, मुंबई आणि गोवा येथीलकॉम्युनिटी सेन्ट्रिक निवासी आणि व्यावसायिक प्रकल्पांसाठीप्रसिद्ध असलेल्या नाईकनवरे डेव्हलपर्सने  त्यांनीप्रीमियम प्लॉटेड डेव्हलपमेंटचा नवीन व्यवसाय उभाकरून “आवासा” हा प्रकल्प लाँच केला आणि https://plots.naiknavare.com/, केवळ प्लॉटिंगसाठी डिझाइनकेलेले त्याचे पहिले-प्रकारचे ई-कॉमर्स प्लॅटफॉर्म सुरू केले.यानवीन समर्पित उभ्या “आवासा मेडोज” अंतर्गत पहिला प्रकल्प तळेगावच्या वडगाव मावळ परिसराजवळ आहेजो मुंबई-पुणे महामार्गाशी सोयीस्करपणेजोडला गेला आहे त्यामुळे याला चांगली रेल्वे कनेक्टिव्हिटी देखील आहे. "आवासा मेडोज" मध्ये पूर्णपणे सर्व्हिस केलेल्या आलिशान N.A प्लॉट्सचा समावेश आहे आणि एकूण 62 प्लॉट आहेत तर प्रत्येकी 1848 चौ. फूट ते 2846 चौ.फूट आकाराचे असेलेले हे प्लॉट याची किंमत ६० लाखांपासून सुरुआहे.  अत्याधुनिकहे ई-कॉमर्स प्लॅटफॉर्महे  केवळ प्लॉट विक्रीसाठी आणि मालमत्ता खरेदीप्रक्रिया सुव्यवस्थित करण्यासाठी सुरु करण्यात आलेआहे . यामध्ये लीड कॅप्चरपासून बुकिंगआणि त्यानंतर ऑनलाइन नोंदणीपर्यंत सर्वसमावेशक बाबी आहेत. रिअल इस्टेट उद्योगातील हा एक अग्रगण्य उपक्रम आहे जो खरेदीदारांना सहजपणे मालमत्ता शोधण्यास, व्हर्च्युअल टूर पाहण्यास आणि वैयक्तिक भेटींचे वेळापत्रक तयार करण्यास सक्षमकरेल, सर्व काही गोष्टीएका क्लिक वर उपलब्ध आहेत ज्यामुळे प्लॉट खरेदी आणि नोंदणीची संपूर्णप्रक्रिया घरबसल्या करणे शक्य होणारआहे. सामान्यत: तंत्रज्ञानावर कमी लक्ष केंद्रित करणाऱ्या क्षेत्रातील अशा ग्राहकांच्या सोयीसाठीच्या उपाययोजना सार्वजनिक जीवनाच्या सर्व पैलूंमध्ये डिजिटलायझेशनच्या सरकारच्या स्पष्ट आवाहनामुळेच न्याय्य आहेत.नाईकनवरेयांनी "आवासा" नावाचा नवीन व्यवसाय विभागसुरू केला आहे जोविशेषत: शहरापासून २० ते २५किमी अंतरावर असलेल्या आलिशान भूखंडांचा विकास आणि विक्री करण्यावरकेंद्रित आहे. हा उपब्रँड व्यावसायिक प्रकल्पांसाठी त्यांच्या विद्यमान उप-ब्रँड "बिझनेसस्क्वेअर" सारखाच आहे. नाईकनवरे डेव्हलपर्सचे बिझनेस प्रोसेसेसचे प्रमुख आनंद नाईकनवरे यांनी नुकत्याच दिलेल्या मुलाखतीदरम्यान संरचित प्लॉट्सची व्यवसाय क्षमता आणि विक्री क्षमता याबद्दल बोलले. त्यांनी नमूद केले की वैयक्तिक आणि स्वतंत्र जीवन जगण्याची संधी, तसेच गेट्ड कम्युनिटीमध्ये राहण्याचे फायदे, हे सर्व प्लॉटिंग विक्रीच्या वेगवान वाढीस हातभार लावत आहेत. जमिनीच्या मूल्याच्या आंतरिक स्थिरतेव्यतिरिक्त, वाढीव FSI भूखंड खरेदी आणि स्वयं-विकास हेप्लॉट खरेदीदारांना आकर्षित करतात आणि अंतिम वापरकर्त्यासाठी व्यावसायिकदृष्ट्या अधिक मूल्य जोडतात. किंमत-ते-क्षेत्र गुणोत्तर खूप चांगले आहे. यामुळे नाईकनवरे डेव्हलपर्सना स्ट्रक्चर्ड प्लॉट्सच्या व्यवसायात प्रवेश करण्यास प्रोत्साहित केले. याव्यतिरिक्त, ते येत्या आर्थिक वर्षात ग्राहकांना 1 दशलक्ष चौरस फुटांचे भूखंड सुपूर्द करतील. महत्त्वाच्या खुणा आणि सुविधांच्या जवळ असलेला, हा प्रकल्प मालमत्ताखरेदीदार आणि गुंतवणूकदारांच्या वाढत्या मागणीलानिसर्गाच्या जवळ राहण्यासाठी आणिकमी उंचीच्या एकल निवासी जीवनशैलीमध्ये स्वतःला झोकून देण्याच्या विकासकाच्या प्रतिसादामुळे येतो. घर खरेदीदार आणि गुंतवणूकदारांच्या विविधतेसाठी विकसित आणि डिझाइन केलेला,हा प्रकल्प अनिवासी भारतीयांसाठी एक उत्तम गुंतवणूकम्हणून उदयास आला आहे, कारणगेल्या ५ वर्षांमध्ये जमिनीच्यामूल्यात ३ पट वाढझाली आहे. तळेगाव हे जलद गतीने वाढणाऱ्याकेंद्रांपैकी एक असल्याने आणिमुंबई, पुणे आणि नाशिकमधीलमोक्याच्या स्थानामुळे बरेच लक्ष वेधूनघेत असल्याने, इतर असंख्य बांधकामव्यावसायिक आणि व्यवसाय याशहरात आले आहेत. तळेगाव हे मुंबई-पुणे महामार्गाच्या जवळ आहे, आणि पुण्यापासून ४५मिनिटांच्या अंतरावर आहे आणि मुंबईपासूनदोन तासांच्या अंतरावर आहे हे एकसंभाव्य आर्थिक केंद्र बनवते."आवासा मेडोज"व्यतिरिक्त, नाईकनवरे डेव्हलपर्स तळेगाव (जलद गतीने वाढणाऱ्या केंद्रांपैकी एक) दोन अन्य प्लॉट केलेले विकास प्रकल्प सुरू करण्याच्या तयारीतआहेत

पूना कॉलेज बी.वोक विभाग विभागाने माननीय प्राचार्य डॉ. आफताब अन्वर शेख आणि IQAC प्रमुख डॉ. इक्बाल शेख यांच्या समर्थ मार्गदर्शनाखाली गुरुवार, 9 मार्च 2023 रोजी SOUK 2023 नवोदित उद्योजक शोकेस 2023 चे यशस्वी आयोजन केले. रामसुख रिसॉर्ट्स महाबळेश्वर आणि वर्ल्ड ऑफ व्हेज पुणेचे एमडी प्रल्हाद राठी यांच्या हस्ते महोत्सवाचे उद्घाटन करण्यात आले. आपल्या भाषणात ते म्हणाले की, महाविद्यालयीन दिवस हे तुमची प्रतिभा दाखवण्यासाठी सर्वोत्तम दिवस असतात. स्पर्धेच्या जगात नोकरी मिळणे अवघड आहे. तुमचे भविष्य सुरक्षित करण्याचा एकमेव स्त्रोत म्हणजे उद्योजकता. आणि पूना कॉलेजच्या विद्यार्थ्यांना कॅम्पसमध्ये उद्योजकतेचा सराव करण्याची प्रेरणा मिळाल्याचे पाहून त्याला आनंद होतो. अध्यापकाच्या प्रयत्नांचे त्यांनी कौतुक केले.पूना कॉलेजची सहाय्यक प्राध्यापिका दीपिका किनिंगे बीबीए विभाग सहायक प्राध्यापक आणि सुश्री झरीन शेरीफ, सहयोगी संचालक कौशल्य विकास केंद्र यांच्या सहकार्याने या कार्यक्रमाचे आयोजन केले होते. या प्रदर्शनाचा उद्देश SOUK 2023 नवोदित उद्योजक व्यवसायाला चालना देणे हा होता. कार्यक्रम यशस्वीपणे पार पाडण्यासाठी प्रा. फारुख शेख बी.व्होक नोडल ऑफिसर आणि प्रा.मुदस्सीर शेख डॉ.इमरान बेग बी.वोक विभाग यांनी सहकार्य केले. यावेळी वाणिज्य विभागाच्या प्रमुख डॉ. नसरीन खान, कंप्यूटर विभागप्रमुख डॉ. शबाना मुल्ला, सर्व विभागप्रमुख आणि शिक्षक व शिक्षकेतर कर्मचाऱ्यांनी भेट देऊन SOUK 2023 प्रदर्शनाचा आनंद घेतला आणि सर्व तरुण उद्योजकांना त्यांची उत्पादने, फराळ आणि खाद्यपदार्थ इत्यादी खरेदी करून प्रेरित केले.

तरुणांमध्ये कौशल्य विकास आणि उद्योजकतेला चालना देण्याची गरज असे वक्तव्य प्रमुख पाहुण्या श्रीमती कमल परदेशी (सचिव, अंबिका मसाला ग्रुप) यांनी व्यक्त केले उद्घाटक म्हणून त्या उद्योजकता कार्यशाळेत उपस्थित होत्या. विद्यार्थ्यांना मार्गदर्शन करताना त्या म्हणाल्या की, युवकांमध्ये कौशल्य विकास आणि उद्योजकतेला चालना देण्याची गरज आहे. विद्यार्थ्यांनी नोकरीच्या मागे न धावता ग्रामीण भागातील उद्योगांना प्रोत्साहन द्यावे. सावित्रीबाई फुले पुणे विद्यापीठ विद्यार्थी विकास मंडळ आणि पूना कॉलेज विद्यार्थी विकास मंडळ आणि आयक्यूएसी यांच्या संयुक्त विद्यमाने पूना महाविद्यालयाचे प्राचार्य डॉ. आफताब अन्वर शेख,उपप्राचार्य डॉ.इकबाल शेख यांच्या मार्गदर्शनाखाली ही कार्यशाळा संपन्न झाली. या कार्यशाळेचा उद्देश विविध क्षेत्रातील उद्योजकता विकास आणि विपणन व्यवस्थापन या विषयावर ज्ञान आणि कौशल्ये प्रदान करणे हा होता. यानंतर श्रीमती कीर्ती राजगुरू (कीर्ती उद्योगाच्या संस्थापक) यांनी विद्यार्थ्यांना उद्योजक कसे व्हावे या विषयावर मार्गदर्शन केले. तसेच महिलांना या क्षेत्रात पुढे येण्यासाठी प्रोत्साहित केले. मि.मोहम्मद सादिक हन्नुरेजी यांनी सॉफ्टवेअर डेव्हलपर आणि आयटी उद्योजक कसे व्हावे या विषयावर आपले विचार मांडले आणि विद्यार्थ्यांना आयटी क्षेत्रात करिअर करण्याचे आवाहन केले. यावेळी डॉ.शिरीन शेख, डॉ.शाहिद जमाल अन्सारी, प्रा.जमीर सय्यद,डॉ.विनोद ,फ़ाहिम अहमद डॉ.गुलनवाज उस्मानी आदी उपस्थित होते. कार्यक्रमाच्या यशस्वीतेसाठी डॉ.शबाना शेख, प्रा. फारुख शेख प्रा.शबिना खान, प्रा. शाहेदा अन्सारी, प्रा. स्वालेहा मुल्ला, प्रा. हिना सय्यद, प्रा. इम्रान कुरेशी, प्रा.उमर हसन इ. परिश्रम घेतले. कार्यक्रमाचे आयोजन व सुत्रसंचालन विद्यार्थी विकास अधिकारी डॉ.बाबा शेख यांनी केले तर आभार सबलेफ्टनंट डॉ.शाकीर शेख यांनी मानले.

पुण्याची ख्याती जगभर पसरलेली आहे, त्यात आणखीन एक मानाचा तुरा लावण्यासाठी मराठमोळ्या वेशात नऊवारी साडी नेसून पुणेरी महिला रमिला लटपटे मोटरसायकल वरून जगभ्रमंतीसाठी 9 मार्चला निघणार असून सुमारे 365 दिवस प्रवास करून 8 मार्च 2024 रोजी पुन्हा भारतात परतणार आहे. यासंदर्भात माहिती देताना रमिला लटपटे म्हणाली की, जगभ्रमंती मध्ये 12 खंड, 20 ते 30 देशातून प्रवास करित सुमारे एक लाख किलोमीटर्सचा प्रवास पुर्ण करणार आहे. फक्त प्रवास नाही करणार तर महाराष्ट्रातील विविध बचत गटाच्यामाध्यमातून बनविण्यात आलेले विविध पदार्थांचा आणि भारतीय संस्कृतीचा प्रसार करीत महाराष्ट्राची संस्कृती प्रत्येक देशा पर्यंत पोहोचविण्याचा मानस भारताची मुलगी रमिला लटपटेचा आहे. रमा (रायजींग एबल मॅनकाईंड ऑल राऊंड) या जगभ्रमंती मोहिमेचे नियोजन केले आहे. त्यानुसार रमिला लटपटे 9 मार्च 2023 रोजी सांयकाळी 4.30 वाजता गेट-वे-ऑफ इंडिया येथून त्यांच्या भ्रमंतीच्या प्रवासाचा प्रारंभ होणार आहे. यावेळी फ्लॅग ऑफसाठी मुख्यमंत्री एकनाथ शिंदे, शंतनू नायडू, प्रसाद नगरकर, खासदार श्रीरंग बारणे, आमदार महेश दादा लांडगे, अश्‍विनी ताई जगताप, सुरेश भोईर आदी उपस्थित राहणार आहेत. तसेच महिला दिनाचे औचित्य साधत भारतीय महिलांमध्ये साहस, जिद्द आणि चिकाटी यावी हा संदेश देण्यासाठीच ह्या जगभ्रमंतीचा घाट घातला आहे. काही दिवसापुर्वी रमिला लटपटे यांनी मुख्यमंत्र्यांची भेट घेऊन त्यांना आपल्या मोहिमेची माहिती दिली होती,या उपक्रमांचे मुख्यमंत्र्यांनी कौतुक ही केले होते. रमिला लटपटे या चिंचवड (पुणे) येथील निवासी आहेत. त्या अहिल्या फाऊंडेशन या स्वयंसेवी संस्थेसाठी महिला व तरुणांच्या सक्षमीकरणाचे उपक्रम राबवतात.

पुणे येथील पूना कला, विज्ञान आणि वाणिज्य महाविद्यालयात राष्ट्रीय विज्ञान दिन मोठ्या उत्साहात साजरा करण्यात आला. विज्ञान विद्याशाखा आणि आईक्यूएसी यांनी "ग्लोबल सायन्स फॉर ग्लोबल गुड" या थीमवर हायब्रीड मोडद्वारे राष्ट्रीय स्तरावरील पोस्टर स्पर्धा घेऊन हा दिवस साजरा केला. उद्घाटक व प्रमुख पाहुणे म्हणून प्रख्यात शास्त्रज्ञ प्रा. राजेश गच्छे, माजी विभागप्रमुख, जैवतंत्रज्ञान विभाग, सावित्रीबाई फुले पुणे विद्यापीठ उपस्थित होते. त्यांनी विद्यार्थ्यांना वैज्ञानिक वृत्ती विकसित करून मानवजातीच्या भल्यासाठी संशोधन करण्याचे निर्देश दिले. कार्यक्रमाच्या अध्यक्षस्थानी पूना कॉलेजचे प्राचार्य प्रो. डॉ. आफताब अनवर शेख यांनी आपले विचार मांडताना विद्यार्थ्यानी केलेले प्रयत्न आणि कौशल्य दाखविल्याबद्दल सहभागींना प्रोत्साहन व कौतुक केले. डॉ. इक्बाल शेख, उपप्राचार्य, विज्ञान आणि आयक्यूएसी समन्वयक यांनी आयोजन समितीला कार्यक्रम यशस्वी करण्यासाठी मार्गदर्शन केले. या स्पर्धेत पुणे आणि इतर राज्यातील 205 स्पर्धकांनी सहभाग घेतला होता. 90 नोंदी ऑफलाइन पद्धतीने होत्या तर उर्वरित ऑनलाइन होत्या. डॉ. सोमनाथ वाघमारे नवरोसजी वाडिया, सहाय्यक प्राध्यापक, प्राणिशास्त्र विभाग आणि डॉ. विठ्ठल बोरकर, सहायक प्राध्यापक, रसायनशास्त्र विभाग यांनी पूना कॉलेजच्या इनडोअर स्पोर्ट्स एरिनामध्ये प्रदर्शित केलेल्या पोस्टर्सचे मूल्यमापन केले. ऑनलाइन पोस्टर सादरीकरणांना प्रो. मुशर्रफ हुसेन इलेक्ट्रॉनिक्स विभाग आणि डॉ. एफ.एम.डी. अत्तार भौतिकशास्त्र विभाग यांनी गूगल मीट प्लॅटफॉर्मद्वारे पोस्टर्सचे मूल्यमापन केले. या कार्यक्रमाचे आयोजन समन्वयक डॉ.रफिक शेख, सहसंयोजक डॉ.मोहम्मद जमीर यांनी केले.यशस्वीतेसाठी व डॉ.कलीम शेख, डॉ.शोएब शेख, डॉ.जहीर अब्बास, प्रा. वसीम शेख, प्रा. अली बांगी, डॉ.मोहसीन, डॉ.इमरान मिर्झा, प्रा. कुद्दुस, प्रा. फारुख शेख, प्रा. इम्रान कुरेशी यांनी परिश्रम केले. प्रमाणपत्रांची नोंदणी आणि वितरणाचे व्यवस्थापन प्रा. रुखसार शेख, प्रा. अल्मास भट्ट, प्रा. नबीला शेख आणि प्रा. फराह पठाण यांनी केले. रसायनशास्त्र विभागातील यूजी आणि पीजी विद्यार्थ्यांनी या टीमच्या अंतर्गत सहभागींना मार्गदर्शन आणि मदत करण्यासाठी काम केले. कार्यक्रमाचे संचालन डॉ.आफरीन ए अहमद यांनी केले तर डॉ.कलीम शेख यांनी आभार व्यक्त केले.