Search Results

लोकप्रियतेचा उचांक गाठणाऱ्या दामिनी या मालिकेच्या लेखिका, निर्माती आणि दिग्दर्शक अर्थात अभिनेत्री कांचन घारपुरे उर्फ कांचन अधिकारी ह्या एक नवा विलक्षण विषय घेऊन प्रेक्षकांच्या भेटीला येत आहेत. आपल्या सुसंस्कृत मराठमोळ्या कुटुंबात घडलेल्या सत्यघटनेवर त्यांनी 'जन्मऋण' या नव्या चित्रपटाची निर्मिती केली आहे. मनोरंजनातून थेट प्रेक्षकांच्या काळजात स्थान मिळविण्यासाठी 'आभाळमाया' या पहिल्या लोकप्रिय दैनंदिन मालिकेतील जोडी शरद आणि सुधा जोशी अर्थात अभिनेते मनोज जोशी आणि अभिनेत्री सुकन्या कुलकर्णी यांची साथ त्यांना लाभली आहे. आज निव्वळ भारतात ३२,००० च्या वर केसेस आहेत ज्यात स्वतःच्या मुलानेच आपल्या आई-वडिलांना त्यांच्या म्हातारपणी आपल्यापासून दूर केलेले आहे. ‘जन्मॠण’ हा नवीन चित्रपट याच विषयावर आधारित आहे. न्यायालयातर्फे अशा मुलांना शिक्षाही आहेत. जन्मदात्या आई-वडिलांना न सांभाळणाऱ्या मुलांना ‘कलम-5’ तर्फे तुरुंगवासही भोगाव लागतो. समाजात आपल्या आई-वडिलांना प्रेमाने व आदराने आपल्या मुलांनी वागवावे केवळ याच एका सद्भावनेने या चित्रपटाची निर्मिती व दिग्दर्शन कांचन अधिकारी यांनी केलेले आहे. आतापर्यंत आपण त्यांना चित्रपटाच्या व दूरदर्शनच्या माध्यमातून ओळखतो एक सकस कलाकृती घेऊन त्या तुमच्या भेटीला २२ मार्चपासून येत आहेत. ‘गणेश फिल्म्स’ निर्मित आणि ‘श्री. अधिकारी ब्रदर्स’ प्रस्तुत 'जन्मऋण' चित्रपटाच्या लेखिका, निर्माती, दिग्दर्शक आहेत कांचन अधिकारी. या चित्रपटात मनोज जोशी, सुकन्या कुलकर्णी, सुशांत शेलार, तुषार आर.के., अनघा अतुल, शशी पेंडसे, प्रज्ञा करंदीकर, धनंजय मांद्रेकर, दर्पण जाधव, विराज जोशी, कपील पेंडसे, सिद्धेश शिगवण आणि पाहुणे कलाकार म्हणून खास भूमिकेत हिंदी मालिका-चित्रपट अभिनेते महेश ठाकूर, निहारिका रायजादा यांनी काम केले आहे. डीओपी सुरेश देशमाने यांच्या कॅमेऱ्यातून जन्मऋणचे सौन्दर्य अधिकच खुलले असून संगीतकार वैशाली सामंत आणि गायक सुदेश भोसले, वैशाली सामंत यांच्या संगीत सुरावटीने ही कथा अधिक रंग भरते. येत्या २२ मार्चला तुमच्या जवळच्या चित्रपटगृहात जाऊन हा चित्रपट नक्की पहा व नवीन दृष्टिकोन मिळवा.

देशाचं पोट भरणारा बळीराजा जेव्हा उपाशी राहतो, तेव्हा त्याच्या आयुष्यात येणाऱ्या अगणित अडचणींना तो कसा सामोरा जातो हे 'झिंग चिक झिंग' या राष्ट्रीय पातळीवर नावाजलेल्या चित्रपटातून प्रकर्षाने दिसते. हा चित्रपट आता ०४  मार्च २०२४ रोजी अल्ट्रा झकास या मराठी ओटीटीवर  प्रदर्शित होणार असून प्रेक्षकांच्या मनात गंभीर विचारांची दाहकता निर्माण करणार आहे. एका संवेदनशील शेतकऱ्यावर सावकारी कर्जाचा मोठा डोंगर उभा आहे. परिस्थितीने गांजलेला हा शेतकरी आपला संपूर्ण आत्मविश्वास हरवून बसला असून जगासमोर मान उंच करून चालणं त्याच्यासाठी लज्जास्पद झालं आहे. हा अगतिक शेतकरी कर्जाचा डोंगर फोडून काढेल की त्याखाली दबून मरेल, हे चित्रपटात कळणार आहे. नितीन नंदन यांनी चित्रपटाचे लेखन आणि दिग्दर्शन केले असून चित्रपटात भरत जाधव, माधवी जुवेकर, संजय मोने आणि दिलीप प्रभावळकर हे सुप्रसिद्ध अभिनेते आहेत. “२०१० च्या महाराष्ट्र राज्य पुरस्कारासोबतच आणखी बऱ्याच पुरस्कारांनी पुरस्कृत झालेला चित्रपट अल्ट्रा झकासच्या माध्यमातून प्रेक्षकांपर्यंत पोहचवताना आनंद गगनात न मावणारा आहे. अशाच प्रकारचे अनेक चित्रपट आणून प्रेक्षकांना नेहमी मनोरंजित ठेवण्याचा आमचा सकारात्मक अट्टहास आहे.” असे अल्ट्रा मीडिया अँड एंटरटेनमेंट प्रायव्हेट लिमिटेडचे सी.ई.ओ. श्री.सुशीलकुमार अग्रवाल म्हणाले. नवनवीन चित्रपट पाहण्यासाठी :- https://www.ultrajhakaas.com/marathi-movies

आपल्या विलक्षण कलागुणांनी अभिनेत्री, लेखिका, निर्माती आणि दिग्दर्शक असा चौफेर वावर करून मनोरंजन विश्वातील अनेक विक्रम नावावर नोंदविणाऱ्या कांचन अधिकारी एक अत्यंत वेगळा विषय घेऊन प्रेक्षकांच्या भेटीला येत आहेत. एका गाजलेल्या सत्यघटनेवरून प्रेरित होऊन त्यांनी 'जन्मऋण' या चित्रपटाची निर्मिती केली आहे. हा विषय प्रेक्षकांच्या हृदयात सखोल रुजविण्यासाठी अत्यंत वेगळं कास्टिंग त्यांनी करून 'आभाळमाया' या मराठी प्रेक्षकांच्या मानत रुंजी घालणारी जोडी अर्थात अभिनेते मनोज जोशी आणि अभिनेत्री सुकन्या कुलकर्णी यांची निवड त्यांनी बाजी मारली आहे. मूल जन्माला येताना आई व मुलातील नाळ कापली जाते आणि तिथेच तो एक व्यक्ती म्हणून उदय पावतो. नाळ कापली तरी आई-बापाचं मुलांप्रतीचं प्रेम मात्र कधीच कमी होत नाही. पण मुलं मोठी झाली की पालकांची संपत्ती,  मालमत्ता किती आहे याचा विचार करताना दिसतात. पालक मात्र यापासून अनभिज्ञ असतात. जेव्हा मुलांना पालकांच्या अस्तित्वापेक्षा त्यांच्या मालमत्तेचा मोह पडतो तेव्हा काय होतं? पालकांनी अशावेळी काय करावे? मुलांमध्ये होणारे बदल कसे ओळखावे? नातेसंबंधाकडे कोणत्या दृष्टीने पहावे? बदलत्या काळानुसार त्याची पावलं कशी ओळखावी? याच विषयावर आधारित "जन्मऋण" हा त्यांचा चित्रपट आहे. ‘श्री गणेश फिल्म्स’ निर्मित आणि ‘श्री. अधिकारी ब्रदर्स’ प्रस्तुत 'जन्मऋण' चित्रपटाच्या लेखिका, निर्माती, दिग्दर्शक आहेत कांचन अधिकारी. या चित्रपटात प्रमुख भूमिकेत मनोज जोशी, सुकन्या कुलकर्णी, सुशांत शेलार, धनंजय मांद्रेकर, तुषार आर.के., अनघा अतुल आणि खास भूमिकेत पाहुणे कलाकार म्हणून हिंदी मालिका - चित्रपट अभिनेते महेश ठाकूर यांनी काम केले आहे. डीओपी सुरेश देशमाने यांच्या कॅमेऱ्यातून जन्मऋणचे सौन्दर्य अधिकच खुलले असून संगीतकार वैशाली सामंत आणि गायक सुदेश भोसले, वैशाली सामंत यांच्या संगीत सुरावटीने ही कथा अधिक रंग भरते. येत्या १५ मार्चला तुमच्या जवळच्या चित्रपटगृहात जाऊन हा चित्रपट नक्की पहा व नवीन दृष्टिकोन मिळवा.

देशात राहणाऱ्या प्रत्येक उभरत्या तरुणाचं परदेशात जाऊन आपलं नशीब अजमावून पहाण्याचं स्वप्न असतं. परदेशात राहणाऱ्या अशाच एका तरुणाची कथा ‘जिव्हारी’ या चित्रपटात अलौकिक मांडली गेली आहे. २६ फेब्रुवारी २०२४ रोजी अल्ट्रा झकास या मराठी ओटीटीवर चित्रपटाचा वर्ल्ड डिजिटल प्रीमियर होणार असून प्रेक्षकांना चित्रपटाचा अद्वितीय अनुभव घेता येणार आहे. परदेशात जाऊन नोकरी करणारा महाराष्ट्रातला एक तरुण पुन्हा आपल्या मायदेशी परततो. आपल्या गावी परत आल्यानंतर पुन्हा परदेशाची वाट न धरता इथेच आपल्या उपजीविकेचं साधन शोधण्याचा निर्णय घेतो. जवळजवळ चौदा नोकऱ्या बदलून आई वडिलांवर भार झालेला हा तरुण आयुष्यात पुढे अशी एक गोष्ट करतो, जे सर्वांनाच आश्चर्यचकित करणारं आहे. ती आश्चर्याची गोष्ट काय असेल हे प्रमुख कलावंत निकिता सुरेश कांबळे, सुयोग सुदर्शन भोरे, ओंकारसिंग उदयसिंग राजपूत, नील राजुरीकर, मनीषा दामोदर मोरे या नवोदित कलाकारांच्या टवटवीत अभिनयाने 'जिव्हारी'ची गोष्ट कळणार आहे. चित्रपटाची निर्मिती, लेखन आणि दिग्दर्शन गणेश शंकर चव्हाण यांनी केली आहे. “अनेक विषयांवर आधारित चित्रपट आम्ही प्रेक्षकांच्या भेटीस आणत असतो. यावेळी तरुणांना प्रेरित करेल असा आशयघन प्रेरक चित्रपट ‘जिव्हारी’ अल्ट्रा झकास ओटीटीच्या माध्यमातून आम्ही सादर करत आहोत. यापुढेही प्रेक्षकांचं तासंतास मनोरंजन होईल याकरिता आम्ही सातत्याने नवनवीन धाटणीचे चित्रपट आणण्याच्या प्रयत्नात आहोत.” असे अल्ट्रा मीडिया अँड एंटरटेनमेंट प्रायव्हेट लिमिटेडचे सी.ई.ओ. श्री.सुशीलकुमार अग्रवाल म्हणाले. नवनवीन चित्रपट पाहण्यासाठी :- https://www.ultrajhakaas.com/marathi-movies

आजकाल इन्टरनेट आणि मोबाइलच्या जगात विद्यार्थ्यामध्ये वाचनाची गोडी निर्माण व्हावी. ही बाब लक्ष्यात घेउन कॉलेजचे प्राचार्य प्रो.डॉ.आफताब अनवर शेख़ यांच्या मार्गदर्शनाखाली या भेटीचे आयोजन करण्यात आले होते. पूना कॉलेजचे 33 विद्यार्थी आणि 04 शिक्षक यांनी बाल साहित्य,कादंबरी कविता,स्पर्धापरीक्षा ,नियतकालिके, चरित्र, इतिहास, स्त्रीसाहित्य,लोक-साहित्य इ. पुस्तकाचे वाचन करण्यात रमले . पूना कॉलेज ऑफ आर्ट्स साइंस एंड कॉमर्स कैंप पुणे या कॉलेजच्या विद्यार्थ्यानी नुकतीच ‘पुस्तकांचे गांव’ महाबलेश्वर तालुक्यातील भिलार या गावाला भेट दिली. या प्रसंगी भिलार गावचे व्यवस्थापक श्री राजेश जाधव यांनी विद्यार्थ्याना पुस्तकाना मित्र बनवा हा मोलाचा मंत्र दिला. या शैक्षणिक सहलीचे आयोजन डॉ.मो. शाकिर शेख ,डॉ. बाबा शेख,डॉ. मुखतार शेख प्रा. दिपनविता देव यांनी केले.

हेरिटेज इंटरनॅशनल स्कूल, कासारआंबोली, पुणे येथे दिनांक 21 व 22 डिसेंबर रोजी वार्षिक स्नेहसंमेलन तसेच वार्षिक क्रीडा महोत्सव समारोह उत्साहात साजरा झाला. यावेळी वार्षिक क्रीडा सप्ताह समारोपण वेळी विद्यार्थ्यांनी विविध प्रात्यक्षिके सादर केले, त्यामध्ये त्यामध्ये नृत्य, ओलंपिक मशाल रन, घोडेस्वारी,धनुर्विद्या ,रोल बॉल स्केटिंग ,परेड, पॉम पॉम शो,रिदमिक योगा, कराटे लेझीम, घुंगुरकाठी, डंबेल्स अशा विविध प्रात्यक्षिकांची सादरीकरण झाले. या कार्यक्रमासाठी प्रमुख पाहुणे प्रमुख पाहुणे म्हणून राष्ट्रीय मोटो सुपर क्रॉस चॅम्पियनशिप 2023 चे विजेते मोटो रेसर ऋग्वेद बारगुजे व शिवछत्रपती अवॉर्ड विजेते ज्ञानेश्वर बारगुजे हे उपस्थित होते. ज्ञानदीप शिक्षण संस्थेचे संस्थापक,अध्यक्ष कृष्णा भिलारे, सचिव संगीता भिलारे, संचालक कुणाल भिलारे , सदस्य रवी मांडेकर ,गोडसे , कासार आंबोलीचे सरपंच उमेश सुतार , ग्रामसदस्य मा. सहायकपोलीस आयुक्त रवींद्र रसाळ , यशश्विनी भिलारे, समिधा भिलारे व निमंत्रित पालक यांच्या उपस्थितीत विद्यार्थ्यांना कला, क्रीडा व विविध स्पर्धांतील पारितोषकांचे वितरण करण्यात आले. वार्षिक सर्वोत्तम संघाची ट्रॉफी 'रेड फायटर्स' व द्वितीय क्रमांकाची ट्रॉफी 'ग्रीन चॅलेंजर्स' यांना घोषित करण्यात आली. तसेच प्रमुख पाहुण्यांच्या हस्ते कुडो या क्रीडा प्रकारात राष्ट्रीय स्तरावर उत्तम कामगिरी करणाऱ्या तसेच राज्य व शालेय स्तरावरील विविध क्रीडा प्रकारातउत्तम कामगिरी केलेल्या खेळाडूंचे व प्रशिक्षकांचे अभिनंदन करण्यात आले.. जवळपास 11 विविध खेळ व मैदानी खेळ यामध्ये विद्यार्थ्यांनी त्यांचे कौशल्य दाखवले व पंधरा दिवस हा चालणारा क्रीडा सप्ताह क्रीडा प्रशिक्षक, शिक्षकवर्ग यांनी उत्साहाने व जिद्दीने जिंकण्याची उमेद घेवून पार पाडण्यास मदत केली. जीवनात व शिक्षणात उत्साह येण्यासाठी शारीरिक क्रीडा प्रकार खूप मदत करतात व त्यामुळे मुलांचे मानसिक व शारीरिक आरोग्य उत्तम राहण्यास मदत होते व नवीन उमेद मुलांमध्ये येण्यास हा क्रीडा सप्ताह खूप महत्त्वाचे काम करतो शाळेच्या प्राचार्या रेणू पाटील यांनी व्यक्त केले.

पूना कॉलेज ऑफ आर्टस सायन्स कॉमर्स व पुणे कॅन्टोन्मेंट बोर्ड यांच्या संयुक्त विद्यमाने “स्वच्छता ही सेवा” उपक्रमांतर्गत आभियान राबविन्यात आले. राष्ट्रीय सेवा योजनेच्या (+2) स्वयंसेवकांनी अरोरा टावर चौक ते जे जे गार्डनमागील भाग व जे. जे. गार्डनमधील परिसर स्वच्छ केले. पूना कॉलेजच्या राष्ट्रीय सेवा योजना (+2) स्वयंसेकानी स्थानिक व कॅन्टोन्मेंट कर्मचार्‍यांशी संवाद साधला आणि त्यांना स्वच्छ वातावरण राखण्याबद्दल प्रशिक्षित केले. पर्यावरणीय शाश्वततेच्या वचनबद्धतेचा एक भाग म्हणून,स्वयंसेवकानी हरित आणि निरोगी इको सिस्टममध्ये योगदान देण्यासाठी जे. जे. गार्डन या ठिकाणी वृक्षारोपण केले. या प्रसंगी मुख्य संचालक संवर्धन ईस्टर्न कमांड एस. एन. गुप्ता, कोलकाता,मुख्य संचालक वेस्टर्न कमांड चंदीगड शोभा गुप्ता, मुख्य कार्यकारी अधिकारी खडकी कॅन्टोन्मेंट बोर्ड रॉबिन बलेजा, ,जॉइंट सीईओ पुणे कॅन्टोन्मेंट बोर्ड रोहित सिंग, आझम कॅम्पसचे अध्यक्ष डॉ. पी. ए. इनामदार आझम कॅम्पस , पूना कॉलेजचे प्राचार्य डॉ. आफताब अन्वर शेख , उपप्राचार्य इम्तियाज आगा ,महिला कार्यक्रम-अधिकारी ,वसुधा व्हावळ, राष्ट्रीय सेवा योजनाचे कार्यक्रम- अधिकारी प्रा.शेख अशद प्रा इन्तेकाब आतार ,डॉ .अहिद-उर-रहमान , सलमान सय्यद उपस्थित होते

पूना कॉलेज ऑफ आर्टस सायन्स कॉमर्सचे राष्ट्रीय सेवा योजना (+2) व पुणे कॅन्टोन्मेंट बोर्ड ,रक्षा मंत्रालय यांच्या संयुक्त विद्यमाने स्वच्छ भारत अभियानाअंतर्गत स्वच्छता अभियान यानिमित्त ग्रामस्वच्छता अभियान घेण्यात आले. यामध्ये गोळीबार मैदान, पूना कॉलेज परिसर, सरदार वल्लभभाई पटेल हॉस्पिटल ,ईदगाह परिसर तसेच गोळीबार मैदान चौक परिसराची स्वच्छता राष्ट्रीय सेवा योजना स्वयंसेवकांनी केली. पूना कॉलेजचे प्राचार्य डॉ. अफताब अन्वर शेख यांनी आपली वसुंधरा सदैव हरित राहो यासाठी पर्यावरणाचे जतन आणि संवर्धन करण्यासाठी विद्यार्थी ,शिक्षक व समाजाचा सहभाग वाढवणे काळाची गरज आहे. पर्यावरणाचे संवर्धन, संरक्षण व जतन करण्यासाठी आपण सर्वांनी कटिबद्ध रहावे असे आव्हान केले. या उपक्रमात सहभागी सर्व विद्यार्थी ,शिक्षक व स्वयंसेवकांना वृक्षतोड थांबवणे, प्लास्टिकच्या पिशव्यांचा वापर न करणे, वृक्षारोपणासारखे उपक्रम राबवणे, कचऱ्याची योग्य विल्हेवाट लावणे या कर्तव्याची जाणीव करून देणारी “माझी वसुंधराची “शपथ देण्यात आली. पूना कॉलेजचे प्राचार्य डॉ. आफताब अन्वर शेख व उपप्राचार्य इम्तियाज आगा यांच्या मार्गदर्शनाखाली हा उपक्रम घेण्यात आला. सरदार वल्लभभाई पटेल हॉस्पिटलचे निवासी वैद्यकीय अधिकारी डॉ. उषा तपासे, पुणे कॅन्टोन्मेंट बोर्ड आरोग्य विभागाचे मुख्य अधीक्षक मा.रियाज टी .शेख , पूना कॉलेजचे उपप्राचार्य इकबाल शेख ,सुपरवायझर नसीम खान उपस्थित होते. या उपक्रमाच्या यशस्वीतेसाठी प्रा. जुबेर पटेल , प्रा. इम्रान मोमीन ,क्रीडाशिक्षक इम्रान पठाण, महिला कार्यक्रम-अधिकारी ,वसुधा व्हावळ, राष्ट्रीय सेवा योजनाचे कार्यक्रम- अधिकारी प्रा.शेख अशद , प्रा.बाबा शेख, प्रा आसिफ खान, प्रा इन्तेकाब आतार प्रा. सबा हुसेन प्रा. समीर रंगरेज , सलमान सय्यद ,राष्ट्रीय सेवा योजनेच्या स्वयंसेवकांनी परिश्रम घेतले.

"सारे देश की आशा है, हिंदी हमारी भाषा है , जात-पात के बंधन को तोडे, हिंदी हमारे देश को जोडे।" हेरिटेज इंटरनॅशनल शाळेत दरवर्षीप्रमाणे याही वर्षी हिंदी सप्ताह विविध उपक्रमांच्या माध्यमातून साजरा करण्यात आला. 14 ते 21 सप्टेंबर या कालावधीत शाळेत हिंदी भाषेचे महत्त्व सांगणारे विविध उपक्रम राबविण्यात आले. 14 तारखेला परिपाठात हिंदी भाषेचे महत्व, हिंदी कविता, कहानी व हिंदी दिनाच्या शुभेच्छा देऊन कार्यक्रम साजरा करण्यात आला. 14 ते 21 सप्टेंबर या आठवड्याभरात शाळेतील विद्यार्थ्यांसाठी विविध स्पर्धांचे आयोजन करण्यात आले होते. कविता आणि कहानी स्पर्धा, गिनती स्पर्धा, मुहावरे स्पर्धा, सुविचार लेखन स्पर्धा, कहावतेंची स्पर्धा, गद्यांश लेखनाची स्पर्धा अशा विविध स्पर्धांमार्फत हिंदी भाषेचा सखोल अभ्यास करणे आणि संवर्धन करणे या गोष्टीची विद्यार्थ्यांमध्ये जागृतीकरण करण्यात आली. 21 तारखेला हिंदी सप्ताह समाप्ती समारोह साजरा करण्यात आला ज्यात विविध गुण दर्शनाचा कार्यक्रम झाला. हिंदीचे महत्व व सन्मान या विचारांना प्रकट करणारे भाषण, प्रेरणादायी कहानी, समूहगीत, परीक्षा कालावधीत विद्यार्थ्यांची मनोदशा दाखविणारे नृत्य, चंद्रयानच्या यशाची कविता, मानवी भावना प्रदर्शित करणारी नाटिका, कबीर व रहीम चे दोहे प्रदर्शित करणारे नृत्य, कहावते, हिंदी नाटिका 'धरती का दिल क्या बोले' ज्यात वाढत्या प्रदूषणाविषयी व फास्ट फूड विषयी जागृतीकरण करण्यात आले. या कार्यक्रमात हिंदीच्या विविध पैलूंवर प्रकाश टाकण्यात आला. माननीय शाळा व्यवस्थापन सदस्य श्री कृष्णा भिलारे (संस्थापक अध्यक्ष), सौ. संगीता भिलारे (सचिन) श्री कुणाल भिलारे (संचालक), सौ यशस्विनी रसाळ- भिलारे (प्रशासकिय व्यवस्थापक) यांनी हिंदी सप्ताहाच्या शुभेच्छा दिल्या. शाळेच्या मुख्याध्यापिका डॉ. रेणू पाटील यांच्या मार्गदर्शनाखाली विविध कार्यक्रमांचे व स्पर्धांचे आयोजन शाळेतील हिंदी शिक्षिका सुषमा पाटील, रितू महिरे, प्रज्ञा वाळके, स्वाती नागरे आणि शितल बागूल यांनी केले.

सर्वसाधरणपणे सामान्य माणूस हा आपल्या डोळ्यांना दिसतं त्यावर जास्त विश्वास ठेवतो.आपल्याला जे दिसतं आहे, त्यापलीकडे जाऊन जग कसं आहे हे फार कमी लोक बघतात.वीरेन पवार यांनी जगातील १९ देशांची भ्रमंती करून आपल्या पुस्तकातून तेच वेगळेपण मांडले आहे. यामुळे दिसण्या पलिकडे सुद्धा संस्कृती, इतिहास आहे हा विचार आपल्या मनात या पुस्तकामुळे येईल असे मत पुण्याचे माजी महापौर मुरलीधर मोहोळ यांनी व्यक्त केले. उन्मेष प्रकाशन च्या वतीने प्रकाशित लेखक वीरेन पवार यांच्या "१९ देश ४६० दिवस" पुस्तकाचा प्रकाशन समारंभ कमिन्स सभागृह, पत्रकार भवन येथे त्यांच्या हस्ते पार पडला यावेळी मोहोळ बोलत होते.याप्रसंगी प्रमुख पाहुणे प्रसिद्ध क्रीडा वैद्यक तज्ज्ञ डॉ हिमांशू वझे, लेखक वीरेन पवार, विशाखा सप्रे, उन्मेष प्रकाशनच्या मेधा राजहंस आदि मान्यवर उपस्थित होते. पुढे बोलताना मुरलीधर मोहोळ म्हणाले, '१९ देश ४६० दिवस' या पुस्तकात पवार यांनी टिपिकल शहरे, पर्यटस्थळांना भेटी न देता वेगळ्या मार्गाने जाऊन देश समजून घेत प्रत्येक देशातील समाजमनाचे प्रतिबिंब आपल्या लेखनातून उतरविले आहे. डॉ. हिमांशू वझे म्हणाले की, ज्ञाता मधून अज्ञाता मध्ये प्रवास म्हणजे नेमके काय असेल याचा उलगडा विरेनं पवार यांच्या या पुस्तकांतून होतो असे म्हटले तर वावगे ठरणार नाही. सोलो प्रवासासाठी साहस, संयम आणि जे येईल ते स्वीकारण्याची क्षमता लागते, आपल्यापेक्षा वेगळ्या व्यक्तींशी जुळवून घेण्याची मानसिकता लागते, पवार यांनी ती दाखवल्यामुळे त्यांचा प्रवास आणि हे पुस्तक घडू शकले आहे. सुप्रसिध्द निवेदक मिलिंद कुलकर्णी यांनी घेतलेल्या प्रकट मुलाखतीत बोलताना वीरेन पवार यांनी सांगितले की, घरच्यांनी लहानपापासूनच दिलेल्या शिकवणी मुळेच हा प्रवास शक्य झाला. लहानपणी आम्ही गावी जायचो त्यातून प्रवासाची आवड निर्माण झाली, प्रताप गडाच्या पायथ्याशी असलेल्या गावातून आम्ही अनेकदा गडावर गेलो, त्यात मजा यायची पुढे आर्किटेक्चर चे शिक्षण घेत असताना स्टडी टूरच्या निमित्ताने फिरणे व्हायला लागले आणि त्यातून समजले की आपल्याला हे आवडत आहे, यामुळे संधी मिळाली तर एकट्याने प्रवास करावा असा विचार मनात आला, तो ९ वर्षे नोकरी केल्यानंतर पूर्णत्वास नेता आला. हा प्रवास सुरू करण्यापूर्वी जी काही तयारी केली तो फक्त एक टप्पा होता, खरा प्रवास सुरू झाल्यावर समजले की कोणत्याही परस्थितीला सामोरे जाण्याची तयारी असणे हेच सर्वात महत्वाचं आहे. यावेळी प्रकाशक मेधा राजहंस, विशाखा सप्रे यांनीही मनोगत व्यक्त केले.

क्रीडा व युवक सेवा संचालनालय महाराष्ट्र राज्याचे जिल्हा क्रीडा अधिकारी कार्यालय पुणे व पुना कॉलेज ऑफ आर्ट्स सायन्स अँड कॉमर्स , यांच्या संयुक्त विद्यमाने त्यामधील पुना कॉलेज येथे राष्ट्रीय क्रीडा दिवस मोठ्या उत्साहात साजरा करण्यात आला.हॉकीचे जादूगार मेजर ध्यानचंद यांच्या जन्मदिनानिमित्त दरवर्षी 29 ऑगस्ट रोजी राष्ट्रीय क्रीडा दिन साजरा करण्यात येतो. विश्वविद्यालय अनुदान आयोग शिक्षा मंत्रालय भारत सरकार यांच्या आदेशानुसार राष्ट्रीय क्रीडा दिनानिमित्त 21 ते 29 ऑगस्ट या कालावधीमध्ये विविध प्रकारचे उपक्रम घेण्याबाबत सुचित करण्यात आले होते त्यानुसार राष्ट्रीय क्रीडा दिनानिमित्त पुना कॉलेज मध्ये विविध उपक्रम व क्रीडा स्पर्धाचे आयोजन करण्यात आले होते. विद्यार्थ्यांनी मोठ्या प्रमाणात सहभाग नोंदवला. राष्ट्रीय क्रीडा दिनानिमित्त महाविद्यालयात विविध स्पर्धा व कार्यक्रमाचे आयोजन करण्यात आले कॅरम, बास्केटबॉल ,बुद्धिबळ, आर्मरेसलिंग, टेबल टेनिस, हॉलीबॉल ,बॅडमिंटन तसेच महिला महिलांसाठी मनोरंजनात्मक खेळाचे आयोजन करण्यात आले होते या खेळामध्ये खेळाडू ,महिला ,पुरुष ,विद्यार्थी व शिक्षक व शिक्षकेतर कर्मचारी यांनी उत्स्फूर्त सहभाग घेतला होता. क्रीडा दिनानिमित्त सर्व खेळाडूं, शिक्षकांना आणि सहभागी स्पर्धकांनी फिट इंडियाची प्रतिज्ञा घेतली . या कार्यक्रमाच्या बक्षीस वितरण प्रसंगी महाविद्यालयाचे प्राचार्य डॉ. आफताब अन्वर शेख, उपप्राचार्य डॉ.इकबाल शेख, कनिष्ठ महाविद्यालयाचे उपप्राचार्य इम्तियाज आगा, सुपरवायझर नसीम खान ,जिमखाना विभागाचे व्हाईस चेअरमन मुशरब हुसेन ,क्रीडा विभागाचे प्रमुख डॉ अय्याज शेख ,एन. एस. एस. कार्यक्रम आधिकारी शेख आशद, क्रीडा शिक्षक इम्रान पठाण डॉ.गुलाब पठाण , जुबेर पटेल ,डॉ .सलीम मणियार , डॉ .फाजील शेख, इमरान मिर्झा , डॉ.शाकीर शेख डॉ बाबा शेख, फारुख शेख मोसिन शेख हुस्नुद्दीन शेख ,उपस्थित होते. राष्ट्रीय क्रीडा दिनानिमित्त क्रीडा क्षेत्रात उल्लेखनी काम करणाऱ्या खेळाडूंचा सत्कार करण्यात आला . खेलो इंडिया विद्यापीठ स्तरावरील वेटलिफ्टिंग स्पर्धेत पुणे विद्यापीठाला रौप्य पदक मिळवून देणाऱ्या धैर्यशील साळुंखे व एशियन आर्चरी कप मध्ये भारताचे नाव आंतरराष्ट्रीय स्तरावर नेणाऱ्या पुना कॉलेजचा खेळाडू प्रथमेश फुगे याचा सत्कार करण्यात आला. राष्ट्रीय सेवा योजना (स्तर+2) च्या विद्यार्थ्यांनी,शिक्षक व शिक्षकेतर कर्मचाऱ्यांनी व या कार्यक्रमाला यशस्वी करण्यात मोलाचा हातभार लावला.

शुक्रवार, दि.२८/०७/२०२३ या दिवशी विश्वकल्याण इंग्लिश मीडियम स्कूल आणि जुनियर कॉलेज,चिखली या शाळेत Investiture ceremony (अधिकृत पद,अधिकार समारंभ) सोहळा संपन्न झाला. या सोहळ्यासाठी पिंपरी चिंचवड विभागाचे वरिष्ठ पोलिस निरीक्षक प्रमुख पाहुणे म्हणून डॉ. अमरनाथ वाघमोडे सर आणि माने सर तसेच शाळेच्या मुख्याध्यापिका डॉ. दिपाली शिरगावे मॅडम, प्रशासक दीपक आफले, शाळेचे संस्थापक जितेंद्र मेहता सर आणि नीलम मेहता मॅडम कार्यक्रमाला उपस्थित होते. यावेळी प्रमुख पाहुणे आणि शाळेच्या मुख्याध्यापिकांच्या हस्ते दीप प्रज्वलन करून कार्यक्रमाची सुरुवात झाली. या सोहळ्यामध्ये मुलांमध्ये इयत्ता १० वी.चा कुमार प्रिन्स चौधरी आणि मुलींमध्ये १० ची कुमारी सिद्धी शिंदे या दोघांची विद्यार्थी प्रतिनिधी म्हणून निवड करण्यात आली.इयत्ता ९वी चा कुमार ओंकार इंगोले व कुमारी साक्षी सैनी यांची खेळाचे प्रतिनिधी म्हणून निवड करण्यात आली. सांस्कृतिक प्रतिनिधी म्हणून इयत्ता १०वी चा कुमार रोहित राठोड आणि इयत्ता ९वी ची कुमारी अंशूला विभूते यांची निवड करण्यात आली.या सोहळ्यात हाऊस प्रतिनिधी यांची देखील निवड करण्यात आली. मुलांच्या नेमणुकीसाठी शाळेचे क्रीडा शिक्षक जगदीश चव्हाण सर यांनी विद्यार्थ्यांना योग्य असे मार्गदर्शन केले व प्रोत्साहन दिले. तसेच शाळेच्या पर्यवेक्षक शिल्पा शिंदे मॅडम यांचे देखील मोलाचे मार्गदर्शन लाभले. निवड झालेल्या विद्यार्थ्यांचे मुख्याध्यापिका डॉ.दिपाली शिरगावे मॅडम यांनी त्यांचे अभिनंदन केले आणि त्यांना त्यांच्या अधिकारांची जाणीव करून देऊन शपथविधीचा कार्यक्रम संपन्न केला.यावेळी मुख्याध्यापिकांचे मोलाचे मार्गदर्शन विद्यार्थ्यांना लाभले. कार्यक्रमाला उपस्थित प्रमुख पाहुणे डॉ. अमरनाथ वाघमोडे सर यांनी विद्यार्थ्यांना उत्स्फूर्त असे प्रोत्साहन देऊन सुंदर असे मार्गदर्शन केले.त्याचबरोबर त्यांनी वाहतुकीचे नियम आणि त्यांची अंमलबजावणी का करणे आवश्यक आहे हे देखील समजावून सांगितले. कार्यक्रमाची सांगता आभार प्रदर्शनाने झाली.